Komeleya Akademiya Sînemayê ya Rojhilata Navîn

Komaleya Akademiya Sinemayê ya Rojhilata Navîn (OSAD) di sala 2012 de li Amedê hate avakirin.
Komale bi armanca, ji bo piştgirî û piştevaniya hunermend û hunerhezên bi sînema, hunera vîdeo û her cûre dîmenên bi tevger çalakiyên hunerî dikin re hevgirtinê çêbike, afirandina projeyên çandî û hunerî an jî hunermendên bi van mijaran re mijûlin piştgiriya projeyên wan bike û ji bo ev berhemên hunerî bigihîjîne hemû qadên civakê hatiye avakirin.
Komaleya Akademiya Sînemayê ya Rojhilata Navîn (OSAD) di hemû xebatên xwe yên hunerî û çandî de têkoşîna veguherîna civakî esas digire; ev kolektîfa sînemayê bi awayê ku ji bo hemû gelan, baweriyan, nasnameyan û çandan, dadperwerî, wekhevî û azadiya civakî dixwaze tevdigere.
Em di kar û barên xwe yên sînemayê de, pêvajoyeke hevpar û piştgir û di fîlmên xwe de, helwesteke di warê azadiya jinê û ekolojist de esas digirin. Em di fîlmên xwe de hewl didin ku bi perspektîfeke piralî zarok, jin û penaberan û nasname û baweriyên tên çewisandin berbiçav bikin û têkoşîna wan a ji bo hebûniyê û pirsgirêkên wan bidin der. Em fîlmên xwe yên sînemayê, li dijî endustriyîbûna hunera sînemayê û li dijî monopoliya hilberînên sînemayê ku bes di destê hin derdoran de ye, hildiberînin. Li gel vê, em hewl didin ku fîlmên xwe bigihînin derdoreke berfireh. Em bi parvekirin û nîqaşkirina hilberînên xwe armanc dikin ku xwe bigihînin a herî baş û vê yekê wekî rêgeza sereke ya xebatên xwe yên sînemayê esas digirin.
Kolektîfa me ya sînemayê ji xeynî hilberînên sînemayî, dixwaze bi rêya kargeh û qursan sînemagerên ciwan bigihîjin perwerdehiya sînemayê ya bê pere; bi rêya organîzekirina komxebat, festîvalên sînemayê, rojên fîlman, nîşandanên taybet yê fîlman piştevaniya pêşxistina hunera sînemayê dike û dixwaze bigihîne girseyên fireh yê civakê.
Bi feraseta “Li her derê ji bo herkesî sînema” û dirûşmeya “em bi hevgirtinê hilberînin, bi hilberînê hevbigirin” esas digirin.